पुणे : महाराष्ट्र साहित्य परिषद आणि साहित्य सेतू यांच्या संयुक्त विद्यमाने ‘ब्लॉगर बना’ ही लेखन कार्यशाळा आयोजित केली आहे. यात ब्लॉग म्हणजे काय, ब्लॉगलेखन कसे करावे, त्यासाठी आवश्यक तांत्रिक ज्ञान, ब्लॉग निर्मिती प्रक्रिया आणि कमर्शियल ब्लॉगिंग या विषयांवर मार्गदर्शन केले जाणार आहे.  

ब्लॉगलेखन ही आधुनिक काळातील विलक्षण लेखनकला आणि कौशल्य असून, त्याचे तंत्र समजून घेण्याची आणि ते चिकाटीने आत्मसात करण्याची गरज आहे. ब्लॉगर म्हणून उत्तम करिअर संधी आहे.

या कार्यशाळेत जेष्ठ पत्रकार आणि प्रसिध्द ब्लॉग लेखक भाऊ तोरसेकर हे प्रमुख मार्गदर्शक आहेत; तसेच प्रसिध्द ब्लॉगर व्यंकटेश कल्याणकर, ओंकार दाभाडकर आणि मुकुंद नाडगौडा हेही यात मार्गदर्शन करणार आहेत. ‘या कार्यशाळेत जास्तीत जास्त नागरिकांनी सहभागी व्हावे’, असे आवाहन साहित्य सेतूचे संस्थापक प्रा. क्षितीज पाटुकले यांनी केले आहे.
अधिक माहितीसाठी :
साहित्य सेतू : ७०६६२ ५१२६२, ९५५२८ ५८१००, ९४२०८ ५९८९३   
वेबसाइट : www.sahityasetu.org